Paardenkracht
Ielk z n stiel
STREEKTAAL
ZEELAND 13
RUDENRIEMENS.COM
Het stro moet kraken in de zon.
Hoewel ook hier tijd geld is wordt bij Oostburg geen groot materieel ingezet.
Begrijpelijk als je ook de paardenkracht letterlijk neemt.
Ruden Riemens fotografeert Zeeland.
De foto's zijn gebundeld in drie boeken:
Kust, Land en Feest.
Fotografie: Ruden Riemens. Tekst: Jan van Damme
Mêêstal staon 'k 's mor
gens in de douche as
de krante beneejen in
de brievenbusse valt.
Jao, wudder 'èn nog 'n kranten-
joengen die op tied is. Dao kan je
de klokke op geliek zetten. Zö
rond 'alf zeevene. Mee 'n plof valt
ie dan achter de voordeure. 'n Dag
nieuws, van her en der bie mekao-
re gesprokkeld. Altied hetzelde ri
tueel: dan gaon me toch 'n bitje
'aosten. Want gewoonlijk bin 'k
nieuwsgierig wat of t 'r op de voor
kant staot. Zou het iets over dit of
over dat ziin? Mao mêêstepart zit
'k d'r naost. 'K weet nie 'oe dat
mee judder gaot. Mao de krante
bluuf gêên vuuf munuuten op de
matte liggen. Jao, dat is noe
êênmaol zó. Noe viel gisteren de
krante net as anders, rond 'alf ze-
vene op de matte. Ik stoeng nog in
de douche en was eigenlijk a klaor
om nao beneejen te gaon. M'n
schêêrapparaot lag al op 't boordje.
Ik kieken deu 't raom. En dan zien
'k 'm dao gaon, m'n krantenjoen-
gen. 'n Mannetje van 'n jaor of ze-
ventiene die a jaoren de krante
rondbriengt bie ons in de straote.
In opleidieng voo de horeca. "Strek-
jes pakt ie de bus en gaot ie naor
schoole of nao z'n staoge-adres,"
dienk 'k bie m'n eigen. "Zö'n man
netje is daorom ook al vroeg in z'n
klêêren geschooten." En dat zes
daogen in de weeke. Van de winter
was tie 'n dag of tiene op verkan-
tie. Toen mosten d'r vervangers
kommen. Kan je begruupen. Die
krante kwam laoter of soms nie.
Voor de gesproken rubriek zie
www.pzc.nl/streektaal
Mao mee dit mannetje is alles op
tiid. Gêên druktemaoker. Glad nii.
"Hui," zegt ie 's, as 'k 'm tegenkom
in 't durp of bie de bushalte.
"Hui," en vèder niks.
Gisteren keek 'k 'm vanuut m'n
doucheraom nao. Die liep 't padje
af van m'n busse nao de straote.
Mee 'n staopel kranten over z'n
êêne èrm. Mee z'n anderen 'and
pakkende die 'n nieuwe PZC en zó
stak tie de straote over. Nao 't vol
gende adres. En dan steek tie die
krante toch om'óóge voo z'n ge
zicht. En zó lóópt die nao de voor
deure van d'overbuuren. Was dat
dienk 'k. De krante in de voorde
ure. Wee komt ie 't padje af en
stapt over 't trottoir nao d'andere
buuren. Weer 'n krante gepakt en
die 'oudt die weer om'óóge voo z'n
gezicht en stapt op de volgende
voordeure af. Net 'n priester die
mee de bieblel over 't altaor lóópt.
Mao dat doe je toch nii mee 'n
krante? Glad nie ee. Want die ligt
den anderen dag al bie 't oud pa
pier. En dan valt m'n frank, 't Is
vanwege de koppennetten. Dat 'ei
je, as 't naojaor wordt. Dan kom
men de koppennetten. En dat is na
tuurlijk vervelend as je van 'uus
toet deure moet lóópen en je ge
zicht as 'n koppejaoger wordt ge-
bruukt. Dat vindt iederéén om-
merst vervelend. Da was slim opge
lost van m'n krantenjoengen.
Toch?
Deu koppennetten lóópen, da 's
nii lekker. Vooral nii langst 'n 'ao-
ge. Mao 't 'óór bie 't naojaor. En
net als vroeger toen 'n klein vintje
was, staon kikke d'r mee verbao-
zieng nao te kieken, 'n uurtje lao
ter in m'n 'of. 'Oe maoken ze die
diengen ee? Kunstig 'óór. 't Is maor
'n koppenspinne, mao doe je hie 't
nao? En dan ielke nacht ee. 'n Kop-
pennet maoken. Trouwens, bienao
ielke dag 'n nieuwe krante mao
ken, ook wat 'óór. Ielk z'n stiel ee.
ZATERDAG 5 SEPTEMBER 2015
door Rinus Willemsen
