City of Dance
Uddere lange schaduwen over 't kaole land
STREEKTAAL
ZEELAND 7
RUDENRIEMENS.COM
Hier kun je geluid zien. De hele stad verdeeld in areas en podia.
Hard dance klinkt strijdbaar: oldschool, early hardcore, frenchcore, raw hardstyle.
En toch is het een dj die een plaatje draait. Maar dan wel XXL. Mindblowing.
Ruden Riemens fotografeert Zeeland.
De foto's zijn gebundeld in drie boeken:
Kust, Land en Feest.
Fotografie: Ruden Riemens. Tekst: Jan van Damme
Da's 'êêl wat lekkerder
noe ee?" roept de buur
man van d'overkant
van de straote. En die
vrief's mee z'n onderèrm 's langst
z'n voor'ööfd asof die wil zeggen:
noe zweten me tenminste nie
mêê zö as pseede weke. Ik roepen
terug dan 'k ook best tevreejen
bin mee dit weertje en mee deze
temperaturen.
Onwillekeurig moen 'k an vori
ge weeke zaoterdag dienken toen
de renners van de Tour de France
deur 'd Utrechtse straoten kreun
den.
De lucht zinderde boven de
straotstêênen. Da kon je gewoon
zien op de tilleviesie. Ook bie ons
in de straote was 't gloeiendig
wèrm. Dao zat wel een windje,
mao dat brocht glad gêên verkoe-
lieng.
In de kaomer was 't tegen de
dèrtig graoden en je kon de voor-
en achterdeure wel open zetten,
mao dan wier't in 'uus nog wèr-
mer. Nêê, dan kan je de kaomer
mao beter doenker maoken. De
zonnewerieng nao beneejen en de
overgerdienen dichte. Zö kom je
dan de middag nog wè deu.
Onwillekeurig moen 'k dan
ook bie die 'êête daogen altied te-
rugdienken an het boek van Stijn
Streuvels: An De Oogst. As gêên
ander kon Streuvels de wèrkmèn-
sen laoten zwêêten op dat land
toen ze mee den 'and den oest
mosten afdoen. En ze gaoven nie
op ee. Ze bleven mao deugaon,
toedat de zonne uddere lange scha
duwen over 't kaole land
aftêêkende.
Dan sleeptende ze udder afge
beuld liif nao den êên of andere
schuure bie 'n boeren'of, wasten
ze udder eigen, aoten wat en vie
len in slaop om den anderen mor
gen weer vroeg op te staon en de
strijd opnieuw te beginnen. Want
den 'oest most af.
„Da zouwen de ménsen an de
dag van vandaoge glad nii mêêr
kunnen. Bel nêê. Dao moei je in
opgegroeid ziin. En dan nog ee.
Mao jao, ze binnen d'r nog 'öör,
die beroepen. Je za mao mee de
post deu de straoten moeten as 't
'r 'n hittegolf is. Dank je de koe
koek. Of mee 'n kraom op de mart
staon. Nêê, dan binn'n de bus
chauffeurs d'r mee die nieuwe
bussen flienk op vooruut gegaon.
Die binnen teminste goed ge
koeld. Da's wat anders dan die vo
rige, da waoren net bak- en braod-
bussen. En voo de reizigers is 't
ook wat angenaomer noe.
„Gelukkig is die wèrmte ver-
bie," dienk 'k bie m'n eigen, „mao
me kunnen daorom nog z'n hitte
golf kriegen 'öör. Want 't is nog
mao begin juli ee. En twêê jaor ge-
leejen was t 'r ook zo'n periode,
weet je nog, op 't ènde van juli?"
Jao joengen, over 't weer kan je
eindeloos schrieven.
Voor de gesproken rubriek zie
www.pzc.nl/streektaal
ZATERDAG 11 JULI 2015
door Rinus Willemsen
