Bin ons de leste...?
Neeltje Jans
wwW.interieur-paauwe.nl
zaterdag 16 oktober 2010
Op zoek naar een tandarts met weekenddienst?
www.pzc.nl/weekenddiensten
wedstrijd wie het snelst eer dam van zandzakken kon bouwen in de kleu
ren van de nationale vlag. Valentijn Byvanck, directeur van het Nationaal
Historisch Museum en oud-directeur van het Zeeuws Museum in Middel
burg, hield een oogje in het zeil. De Wegwijzer won, met afstand. Wat hielp
was dat de zandzakken met zaagsel waren gevuld. foto Rolf de Feijter
door Frans van der Heijde
Vandaehe een keertje wè
in 't dialect mè het gaet
dit keer meer over 't
dialect. Een uutsterven-
de zaak mensen.
Een stuitje gelee zat ik in een his
torische kaezematte in fort Ram-
mekens te vertellen in mien Béé-
kerks dialect. M'n luusteraers,
aol mensen, die de natuur eêl
ohe in d'r vaendel ebbe, spraeke
hineên van aolen mi dialect on-
derwiele dat er tóch mensen tus
sen zaete, die in ieder geval geto-
he waere in Meliskèreke of Zoete-
lande. Ze verstoenge me nog wè
aol, 't moest er nog biekom-
me....l En een paer weken divö
moeste d'r een stik af wat huus
uut Walcherse durpen nè me
luustere en die praote ook aol op
z'n 'burgers'. Mè toen a'k vroeg
of ze de meêster op schole zou-
we verstae as'n zou zeie: „Julder
bin vrie en mohe nè ruus!", toen
was t'r hineên, die dat nie kon
volge.J
Ik voelde me, di in fort Ramme-
kens, een bitje net as die natuur
vrienden. Die maeke d'r eihen
ook druk om een plantje of een
beêstje, dat mee uutsterven
oordt bedreigd. En zö bin ons
noe ook bezig. Kiek, die mensen,
die op die bijzondere plekke,
vlak bie Ritthem, nè mien zaete
te luusteren, waere aol nie mi zó
'piep', mè toch ook nie 'stok'. En
die huus kwame aol uut echte
Walcherse gezinnen. Het dialect
hae verdwiene mensen, net as
de klederdrachten. Ons bin de
leste....! Nog even en ik lope
rond mee een busse vó 't instan-
douwen van onze dialecten...!
Gelukkig bin d'r mensen, die
toch bezig bluve mee dat 'platte
praoten'. Mensen, die, vö noe en
<C
'd'eêuwigheid', vertelle en schrie-
ve. Di ore echt nog eêl wat din
gen georganiseerd in 't dialect.
Vandaehe komme d'r wi een
oop mensen samen bie 't Nieu-
wedurp, op de jaerlijkse dialec
tendag, om di wi te genieten van
verhalen in 't dialect en over 't
dialect. Het bin di wè vee grieze
en kaele 'koppen'...! En di luuste
re ze nè een nieuw luusterboek
mee 140 minuten verhalen, die
uutgae van de 'hroöt Zeêuwse ge
dachte', van Goeree tot Hulst. Je
kan dus nooit mi afkomme mee
'ik kan 't zö slecht leze' wan j'ei
mè te luusteren...!
En volgende weke komt 'r wi
een echt Zeêuws boekje uut. Het
stae nie op de lieste mee boeken,
wiruut het Zeêuwse boek van 't
jaer gekoze moet ore, mè 't is wè
aol in 't Zeêuws, het dialect van
Jo Koeman, getohe in 'Iese' en
'Krabbendieke' en noe veruusd
nè Oedjeskèreke.
Op 24 oktober, om alf drie, oopt
'n z'n boekje te prisenteren in 't
kerkje van Ellesdiek. Jo Koeman
is een prachtig vertelier mee een
hroöt gevoel vö humor. Ie eit er
lang over naegedocht of'n z'n
verhalen aol wè 'kwiet' wil, mè
't is t'r toch van gekomme en de
'Zeêuwse babbels' zien dus vol
gende weke het licht in Elles
diek. En omda Jo ook nog es diri
gent is van misschien nie het bes
te, mè zeker eên van de
'schoonste' koren, het
klêderdrachtenkoor
'MooiZeêlandZingt' kan
iedereên die komt, geniete van
zang en een zeer speciale
prisentatie van die groep. Nooit
eerder vertoond, mee verrassen
de gasten...! Je bin welkom!
En morrege, 17 oktober, oordt er
's middegs, alf drie, in 't kerkje
van Ellesdiek in t'Zeêuws
'gemediteerd' tien jaeren lang a
diensten in 't dialect) en 's ae-
vens, om alf achte, kao je nog in
Zoetelande terecht vö zö'n
meditatie. En 't kost hlad niks...!
Me bin de leste misschien, mè
me haen dan wè praotend, zin
gend en schrievend 'ten onder'..!
Misschien komme me wi boven
ook...!
Stop uw urijgeuallen spaarloon lieuer in een nieuwe bank, bed
of mooie fauteuil. Momenteel krijgt u ook nog eens mooie kortingen
tijdens onze najaarsacties. Dat loont!
Neg20a
neroa'ire
401318
Vraag onze adviseurs naar de voorwaarden van deze aanbiedingen
